• 羅健熙 LO Kin Hei

淪落人 講粗口



關於淪落人,講漏咗一樣嘢。好多香港人入場睇戲,見到啲角色講粗口就會笑,而明明嗰啲粗口唔係講緊笑,亦好自然好多香港人日日都講緊嗰種。我就未見過啲外國人見個角色 WTF , fucking , motherfucker 嗰時會無端端喺度笑。

香港觀眾對香港電影有廣東話粗口係覺得好新奇,相信係過去電檢處既一力「功勞」。以前,有粗口就必列三級,要擴闊觀眾群,大家都就住啲粗口字。仆街、頂、冚家剷嗰啲已經盡,門字部基本上喺主流大片都冇。

睇番新聞係2007年出埃及記有一個少少突破,終於有廣東話門字部粗口都唔一定列三級了。但到今天,大家聽見黃秋生開場嗰幾句粗口仍會大笑(而同一套戲「多L謝」係喜劇效果特登引你笑所以笑係應該的)就知嗰種幾十年來既影響係幾咁根深柢固。

#好似話怕教壞細路 #外國分級好似比較細緻 #18歲先准聽人講粗口喺香港一定好符合現實

3 次瀏覽0 則留言

最新文章

查看全部