從蘋果要登記，可以見到一個好普遍的現象。就係大家對「同路人」係好狠，要求亦係比其他人高好多。同時亦見到可以有幾反智。
1. 你本身裝蘋果個APP，未叫你登記之前，其實我都幾懷疑有幾多人知個APP攞咗你電話咩授權，然後完全冇睇過條款就「ACCEPT」。
2. 你覺得要登記就係攞你私隱，所以唔睇蘋果而去睇第二啲新聞。我又都幾肯定，極大部份人係冇睇過其他新聞APP係攞咗你電話咩授權，亦都係完全冇睇過條款就「ACCEPT」。
3. 呢堆好重視私隱既人，我懷疑電話入面總有一兩隻大陸APP、大部份人既電郵都冇做two-tier authentication，然後有時 session expired 要 login 過會嫌人地麻鬼煩搞咁多嘢。
4. 人係好得意的，你用APP攞授權佢咩都唔睇就俾你，到你真係好有禮貌地問佢叫佢正式LOGIN佢就覺得你侵犯佢私隱。
5. 新聞從來都不應是免費，要全部人登入（都未收錢）係咪一個好方法我唔敢講（例如外國大部份都係免費俾你睇幾篇，每日想睇多過五篇就要subscribe），但俾錢睇啲肯定不受紅色資本影響的新聞其實都唔係有乜咁難想像啫
6. 登入個process有人話遇到問題，咁呢啲位係真係要解決既，so far 我自己就未有咩事。
