• 羅健熙 LO Kin Hei

PR.形像.道歉.藝人有沒有社會責任?


(之一)


認真評PR。快速開記招全面認錯攬上身不怪罪他人,停工反省兼踩多自己幾腳,一路喊一路講不似是做戲,基本上應可止血。黃心穎睇怕就未必會咁。評完。

作為一個由細睇到佢地大(佢地廚房宣言我仲讀緊中學),不算粉絲但身邊好多Sammi粉絲的人。我相信不少人心底裏都係希望佢兩個最後冇事,然後聽佢記招之前已準備好佢真心認錯就會饒恕佢。

當然,呢件係佢同Sammi兩個人既事,我地呢啲睇童話有投射既人就只能在旁祝福。

(之二)


食夠花生,認真少少。「藝人出軌,是否要開記者會交代?」是晏晝到夜晚不少人問的問題,看來亦係幾好的辯論比賽題目。同樣地大家可以問,藝人吸毒是否要向公眾道歉?對我而言,兩個題目是可比擬的,我兩題都會答「要」。

除了因為藝人是以形象賺錢,唔挽救形象就受損呢個比較實際市儈的原因,我亦覺得「偶像」對fans都有一定責任,做咗一啲支持者不同意既事,就有負支持者,所以亦要向佢地交代。例外的case,如Snoop Dogg因吸毒被捕,我懷疑佢未必好需要向支持者交代,因為佢啲fans可能都預咗。

藝人是否對個社會有責任,則較debatable。但現況是,藝人的社會責任,同有公權力、做公職的人比較或許少一點但不是完全沒有。所以做公眾(即使不是fans)不接納的私人行為,可能都要解下話?

最後想講,是不論今次許志安,或者早幾年黎明開唔到SHOW而要道歉,都會令人好慨歎香港既政治氣候。馬時亨縱使不少人好憎佢,but sadly 已經算係肯認錯道歉的人,更多比佢更有權力的人做更明顯錯既事,都可以厚顏耍賴總之乜都唔關自己事堅決唔會道歉,真係十分悲哀。

3 次瀏覽0 則留言

最新文章

查看全部