「食豆腐」

早兩日實在太忙，未有時間講IKEA嗰個豆腐雪糕POST。

關於「食豆腐」一詞，我理解是抽水、佔便宜的意思（最原始的起源好像是說啲唔關事既人入去辦喪事的家黐食素菜、豆腐飯）。至於放在香港語境，呢個詞係咪只能形容男性侵犯女性的行為，自願或者調番轉就唔食得？咁我就真係不得而知。

不過話說回來，我雖未第一時間諗到去性別議題、女權問題，但呢個GAG確實有點怪同夾硬，覺得佢不是好的文宣。IKEA賣的亦一向都是家庭大家個個啱駛既嘢，用個有爭議既詞語係咪適合呢個brand我亦很有疑惑。

講起「食豆腐」，其實我真係好鍾意食豆腐，特別係啲好滑好白好香既日本豆腐，每次講親呢句說話都要好小心地避開呢個詞彙，然後扭曲成為「啲豆腐真係好好食我好鍾意食呀」咁樣，其實都非常不滿咗好耐。